4 URTE EGAPE

2016(e)ko abenduaren 1(a), osteguna

IPUIN KONTALARIAREN BISITA

Abenduaren 3an “Euskararen Nazioarteko Eguna dela eta ikastolan “Euskararen astea” antolatu da eta azaroaren 28tik hasita ekintza ezberdinak eraman dira aurrera. Hala, gaur Badut izeneko taldea etorri zaigu ipuinak kontatzera.

Lehenbizi belarriak, begiak, ahoa…….ondo ondo prestatu ditugu eta gero ipuin kontalariak ipuin politak eta dibertigarriak kontatu dizkigu. Oso ondo pasa dugu!

NAHIAREN URTEBETETZEA

Gaur Nahiaren urtebetetzea ospatu dugu. Aurtengo azkena gure gelan. Aita eta amak lagundu diote ikastolara eta pozik sartu da gelara bere bizkotxo handiarekin. Emozionatuta eta urduri ikusten zitzaion.
Ospakizunaren garaian, bera izan da gure gaurko protagonista eta oso pozik ibili da.
Bizkotxoa goxo-goxoa zegoen eta primeran pasa dugu! ZORIONAK NAHIA ETA MUXU HANDI BAT ZURETZAT!

2016(e)ko azaroaren 25(a), ostirala

EUSKARAREN EGUNA

Ez genuen ezer aipatu. Azken orduko lantxoa dugu koreografia hau ikastea. Erraza da¡ ANIMOOOOOO¡

2016(e)ko azaroaren 11(a), ostirala

SAN MARTIN EGUNEKO OSPAKIZUNA

Gaur, azaroak 11, San Martin eguna izan da eta garai batean baserritarrek egun honetan txerria hiltzen zutela gogoratuz txistorra jan dugu hamaiketakoaren garaian. Txistorra Noraren aitonak prestatutakoa zen eta benetan goxoa zegoen. Oso gustura jan dugu denok!

2016(e)ko azaroaren 10(a), osteguna

EUSKARAREN EGUNA

Gainean dugu Euskararen eguna TXIKITAN EUSKARAZ, HANDITAN EUSKARAZ lelopean. Aurten ikastolako kanta abestu eta dantzatuko dugu. Horrekin batera ikas ezazue euskararen eguneko kanta.

2016(e)ko azaroaren 7(a), astelehena

NAROAREN URTEBETETZEA

Gaur Naroak lau urte bete ditu eta gelan gure ospakizuna egin dugu. Abestiak dioen bezala, Naroak kandelei putz egin die, guk belarritik tira diogu eta etxetik ekarritako bizkotxo goxoak jan ditugu. Oso ondo pasa dugu.

MILA KILO ZORION ETA MUXU HANDI BAT DENON PARTETIK!

2016(e)ko azaroaren 2(a), asteazkena

INURRITEGIA OSATZEN

Inurria eta Txirritaren ipuina lantzen aritu gara gelan. Bertan inurri langile batek udan eta udazkenean janaria pilatzen zuen negurako txirritak denbora kantuan pasatzen zuen bitartean. Horrela jakin dugu zeinen langileak diren inurriak.

Bestalde, Txirritxek oso ondo ezagutzen ditu inurriak, bere lagunak baitira. Hala zioen bidali zigun gutunean eta azaldu zigun inurritegietan zein motatako inurriak bizi diren eta bakoitzaren zereginak zeintzuk diren.

Guri, hau guztia oso interesgarria iruditu zitzaigun eta gure inurritegia osatu dugu gelan.

INURRITEGIA 4 URTE A

INURRITEGIA 4 URTE B